高鈞賢掛住香港市場

前無綫藝人高鈞賢（Matthew）往內地發展三年，久未露面的他昨日在港出席手錶活動，笑言現在內地發展不錯。他說：「依家喺內地平均一年拍兩部劇，收入唔錯，最開心係可以揀自己鍾意嘅工作。」他坦言對香港有感情，所以不會放棄香港市場：「之前喺內地識咗一位編劇，我哋合作創作咗一個以神探為骨幹嘅故仔，如果成功賣出，會喺香港拍成電影。」會否考慮賣劇本給娘家無綫？他笑說：「我主要寫電影劇本，但如果無綫有興趣，都可以合作。」

提到感情生活，Matthew表示已跟圈外女友拍拖四年，大家十分感情穩定，他更感激女友在自己事業低潮時，一直陪伴身邊，更會返內地陪他開工。

採訪、攝影：Pauline