黃德斌自認大叔唔敢鬥肌

黃德斌、胡子彤昨日到商台宣傳新片《逆流大叔》，影片以龍舟為背景，德斌身形健碩，扒龍舟難不到他，但他坦言：「拍十幾日龍舟戲真係唔易，大隻都冇用，最重要夾唔夾到（節奏）。」問二人可有鬥肌肉？德斌謙稱︰「唔敢鬥，我輸晒，大家只想睇小鮮肉，唔會睇大叔。」子彤則稱︰「德斌嘅角色唔使除衫，導演介紹我哋時講笑合共有100吋胸肌。」德斌即抵死補充︰「如果介紹我同吳鎮宇，就會寫合共100歲。」