王浩信為新劇暴肥

王浩信昨日與唐詩詠、陳敏之及馮盈盈等出席新劇《解決師》拜神儀式，並為本月生日的王浩信補祝生日。浩信身形明顯變得圓潤，他解釋在新劇要增肥上陣，由殺手演到體育老師，現時體重達82公斤。

王浩信表示生日前夕跟家人食飯慶祝，正日就與粉絲一齊過。問他太太陳自瑤可有送上禮物？他說︰「唔使啦，我都唔想佢破費。」

王浩信直言為角色增肥，是想帶給觀眾驚喜，他表示︰「依家已經肥咗七、八公斤，主力拍緊肥嘅戲份，但拍完就要瘋狂節食，因為要演殺手特工，個人要收番乾少少。」

唐詩詠與王浩信在劇中飾演情侶，兩人埋位數天即有火花。扮演音樂老師的詩詠笑言︰「我未着過校服拍戲，但今次一拍校園劇就要做老師，仲要識吹長笛。」詩詠透露自己讀書時期十分乖，沒有整蠱過老師，但返學經常「走堂」，「我成日瞓過咗，通常miss咗上午嘅堂。」

至於馮盈盈今次有不少打戲，她稱自己沒有基本功，閒時亦缺少運動，很多簡單動作都做不到，「我會去做Gym同練功夫，希望增加肌肉量，不過好多高難度動作都交晒畀張頴康，佢唔小心受傷，但佢唔瀨嘢就我瀨嘢。」

撰文︰倪小珊

編輯︰陳禮恒

美術︰梁政敏