吳卓羲呼籲戒食魚翅

吳卓羲（Ron）昨日到香港體育學院出席保育鯊魚活動，他透露之前在泰國浮潛，當時水底有20、30條鯊魚，令他印象難忘︰「啲鯊魚唔係好大條，我都幾驚，不過只要你唔搞佢，佢哋唔會搞你，反而係人類傷害佢哋多啲。」近年已戒食魚翅的他，即席呼籲大家拒吃魚翅：「以前細個好鍾意食，但唔知原來食碗翅，要殺死好多鯊魚，同埋其實用好多食物可以取代。」問到將來結婚，會否跟媽媽商量舉行無翅婚宴？他笑說︰「阿媽根本唔關心點樣安排，佢只係關心幾時可以抱孫。」

另外，提到工作動向，Ron表示工作已排到明年年中，當中包括三部電影、一部電視劇及網劇《飛虎》續集，他說：「大家都知《飛虎》主角都係苗僑偉，不過今次係全新故事。」