李亞男唔同香香鬥快生B

李亞男昨日到電台宣傳自己的烹飪書，對於好姊妹岑麗香（香香）在社交網疑似暗示有喜，亞男即代為否認，揚言香香暫時沒有喜訊，但就希望盡快聽到對方的好消息。

李亞男昨日被追問好友香香是否造人成功？她即表示︰「佢暫時無喜訊，但唔排除將來有BB，希望佢成功啦！」早前亞男放聲氣表示跟老公王祖藍積極造人，問她會否跟香香鬥快生B？亞男笑笑口說︰「唔好有壓力，要保持健康同輕鬆心情，如果唔係會唔成功。」近日心廣體胖的她，直言已開始為生B調理身體，所以身形較以往豐滿。

想祖藍食得健康

提到即將推出的烹飪新書，亞男表示用一個月時間籌備，更儲足一年食譜。她表示自己的烹飪過程是屢敗屢戰，全靠不服輸的精神，才有今天的廚藝。「拍拖嗰陣煮親嘢食同煲湯都失敗，祖藍仲會推開食物，又話要𠺘口，真係幾大壓力。為咗老公食得健康啲，我先至開始學煮飯。」問到奶奶對她的廚藝有何評價？亞男說︰「未到滿分，但都有6、7分，老公就係咁同人講太太煮嘢食好叻。」

撰文︰倪小珊

編輯︰李潔盈

美術︰梁政敏