傅穎嘆年紀大冇拍拖衝動

傅穎（Theresa）昨日與樂隊Supper Moment拍攝秋冬服裝廣告，近年長駐內地拍劇的Theresa，透露接拍一部講述中港愛情的內地劇，同劇拍檔還有馬德鐘、梁小冰及許紹雄等。提到中港情緣，現年33歲的Theresa依然單身，她說︰「可能上咗年紀，已經無乜想拍拖嘅感覺。」對於舊拍檔吳雨霏已婚並誕下一子，Theresa慨嘆說︰「係啦，同我差唔多年紀嘅，都結婚生仔，可能時機未到啦！」

至於Supper Moment最近接廣告接到手軟，11月又將會開紅館騷，難怪他們興奮表示︰「今年係有啲運仔，如果紅館啲飛賣晒就仲歡喜。」