Kelly爆9歲蝦餃仔愛偷影

陳慧琳（Kelly）將於本月25日假旺角麥花臣場館演出一場《MOOV LIVE陳慧琳Music Stage》音樂會，並設歌迷網上投票，選出心水歌曲讓她在當晚獻唱。完成這個騷，Kelly會趁暑假一家人到英國或美國外遊。

陳慧琳的兩個囝囝已經放暑假，問她會否安排他們上台？Kelly笑言︰「唔好啩！如果佢哋嚟，我就要全程望住佢哋，睇下點啦。」這陣子Kelly在家中練舞，她笑言要躲起來練，否則被偷拍放上網就大件事了。

Kelly解釋︰「大仔（蝦餃仔）已有自己嘅手機，佢最鍾意偷影，不過我set咗唔可以上網，但遲啲都控制唔到，最緊要教佢打格仔，打落媽咪塊面。（如果打錯喺身可能仲尷尬！）係喎，仲衰過打落塊面，到時喺屋企都要化粧set頭先得。」

Kelly提到九歲的蝦餃仔開始跟她傾男女關係，說男仔很難搵女朋友，「佢每年都有一個女朋友仔，不過到學期完結就拜拜。」

歌衫配合舞台場景

提到今次音樂會，Kelly表示會唱首張數碼EP《Watch Me》的全部新歌，亦會選唱一些昔日side track作品。雖然今次屬小型音樂會，但無論製作甚至選曲方面都一絲不苟，Kelly預計換三套衫，她說︰「因為中間部分會出現復古場景，所以歌衫都要配合。」

採訪︰Pauline

編輯：陳禮恒

美術：梁政敏