吳鎮宇拍動作戲頂硬上

吳鎮宇、張智霖、佘詩曼及周秀娜前晚出席電影《洩密者們》首映，分享馬來西亞拍外景的趣事。鎮宇表示今次有不少槍戰及動作戲，原本有替身演出，最後卻由他「頂替」替身上陣。

鎮宇在首映禮上表現風騷，又表示在馬來西亞最難忘是隨處見到榴槤。他透露片中不乏槍戰及飛車場面，甚至由自己頂硬上做埋替身，他謂︰「有次導演問我，一樓跳落嚟得唔得，我話替身嚟咗就畀人跳，點知個替身拗柴，最後我幫番個替身做替身囉！」

談到父親節，鎮宇言語間帶點醋意，指大家較重視母親節︰「父親係搵錢畀佢哋過母親節。（有微言？）呢個係世界嘅法則，今年父親節我要開工。（囝囝費曼有無表示？）佢懶得就懶，依家又肥又高，有肚腩，腳又長，Pat Pat蹺上去，不過由佢啦！」

阿佘夥拍張繼聰

佘詩曼（阿佘）和張繼聰有場戲在車內拍攝，張繼聰更被爆為這場戲狂操練大隻。問到是否車震戲？阿佘澄清只是追蹤戲。日前她出席薛家燕兒子石耀庭的婚禮，更被新郎的宣言感動到喊，雖然當晚阿佘與媽媽出席，但佘媽媽卻未有趁機向她催婚。

撰文︰Pauline

編輯：黃卉彤

美術：梁政敏