陳奕迅赴俄睇世杯揭幕

陳奕迅（Eason）昨日到旺角出席世界杯活動，與粉絲大談波經。他透露將首次到訪俄羅斯，主要捧場睇世界杯，屆時順道暢遊名勝古蹟。

陳奕迅昨日欣賞「旺角美斯」花式足球員施寶盛即場獻技，現場充滿一片世界杯氣氛。Eason透露稍後將隨某品牌到莫斯科欣賞兩、三場足球賽事，包括觀看揭幕戰，他說︰「14號就會喺當地，自己第一次去俄羅斯，亦係第一次睇世界杯，所以好難得，心情好興奮。」

的起心肝做Gym

而此行亦會抽空到處遊覽，Eason補充︰「其中一日會去紅場，睇下啲洋蔥屋頂建築物，點都要做下遊客。」但他最好奇竟是俄羅斯美食的口味，Eason笑言︰「其實俄羅斯食咩㗎？我唔覺得當地嘅羅宋湯會特別好飲，又係一款橙色嘅菜湯。」在老婆徐濠縈力勸減肥下，昨日見Eason明顯清減不少，他透露連月來都keep住做Gym，又笑言︰「40年無做過Gym，依家一星期做一至兩次，每次個半鐘。」

何以的起心肝運動？他說：「我覺得條頸太粗，又成日水腫，好掛住個腮位。」他強調做運動是希望看起來更精神，亦不想做激光去眼袋，他說︰「我真係有諗過，但最後打消咗呢個諗頭，因為我接受唔到冇受傷而去做手術。」

採訪︰倪小珊

編輯︰陳禮恒

美術︰梁政敏