華仔見證愛女畢業

劉德華（華仔）昨日忽然現身灣仔伊館，出席囡囡劉向蕙（Hanna）就讀的維多利亞幼稚園畢業典禮。劉天王今次不做舞台主角，卻身處觀眾席化身普通家長，惹來現場其他家長起哄，個個舉機拍照，打扮型到爆的華仔亦大方任影唔嬲。除了華仔，劉太朱麗倩亦有到場見證囡囡畢業，金精火眼望實舞台，又化身龍友不停拍照，記錄囡囡人生重要時刻。至於劉向蕙上台領取畢業證書時，華仔興奮站起身，望實其前世情人笑逐顏開，父愛盡現。