胡鴻鈞支持許廷鏗「破處」拍劇

胡鴻鈞（Hubert）到電台宣傳新歌《偷聽情歌》，提到話題同志日劇《大叔的愛》大熱，網民不但提議許廷鏗做港版男主角，更指胡鴻鈞可飾演迷戀男主角的室友。胡鴻鈞笑言若老友獻出拍劇第一次，自己必力撑對方：「佢一路唔拍劇，堅守咗『處男』之身好耐，如果佢肯破處，我一定支持佢。」他更大讚許廷鏗有喜劇天份，經常語出驚人：「不過佢應該唔會拍，因為佢放唔低偶像包袱，加上又係牙醫，要保持專業。」另外，胡鴻鈞表示今年專心發展音樂，希望能破「處子之身」，舉行首個個人音樂會。