6號被肥媽催生B

陸浩明（6號）昨日與鄭文出席食肆開幕，早前他與契媽肥媽合作主持節目，他踢爆肥媽一做完節目，便立刻享受湊孫樂。他說︰「我成日都話肥媽係聯合國grandma，佢咩國籍嘅新抱都有，好似連非洲都有。」不過6號亦感激肥媽經常帶挈他搵真銀，二人更構思舉行歌舞搞笑talk騷。

另外，6號在節目內經常被肥媽催婚，他笑說︰「已經超越催婚嘅境界，佢好前衞，直接催生，其實我有結婚計劃，依家努力儲錢。本來上年諗住喺鰂魚涌買個580萬嘅單位，但依家已經升到700萬，太離地，要再勤力啲先得。」

攝影︰林良明