軒仔成功召喚「失散」九兄弟

張敬軒（軒仔）早前在網上成功徵召九位跟自己「撞樣」的網民，相約一齊食飯，前晚軒仔出席《萬眾同心公益金》時說：「本身諗住搞笑，拍條片上網呃Like，點知自己眼淺喊咗。我由細到大都想有兄弟姊妹，80年代內地行一孩政策，每當見到同我似樣嘅人，就覺得如果我有哥哥或細佬就係咁樣。」他自言會跟「分身」保持聯絡，更笑說想一齊拍《十兄弟》：「有一兩個令我覺得似到撞鬼咁，懷疑我老竇唔知做咗啲咩。我拎張相畀父母睇，媽咪睇完話唔似，因為佢永遠覺得自己個仔喺心目中最靚。」