囝囝高1.91米 曾華倩驚訝︰佢高過游生

曾華倩日前與囝囝在機場巧遇好友袁文傑、鄭浩南和吳家樂，她的現任香港泳隊成員、19歲兒子林浩賢（Martin）長得高大威猛，華倩驚訝囝囝竟然高過有「高佬」之稱的袁文傑。

華倩上星期陪伴囝囝到馬來西亞參加比賽，她前晚為亞視節目《今晚見》擔任主持，並請來江若琳（Elanne）和未婚夫蕭潤邦任嘉賓。對於在機場巧遇好友，華倩表示︰「我話游生（袁文傑）你過咗TVB，我就返咗ATV，我同你調轉喎！」提到囝囝高顏值曝光，華倩表示︰「我依家先知佢原來真係咁高，我印象中『高佬』係好高嘅，點知企埋去，阿仔仲高啲，佢依家191cm。」

驚被偷拍水洗唔清

之後華倩在候機室巧遇20多年不見的鄭浩南，對方邀請她調位坐他身旁，但遭她婉絕︰「我想瞓覺，驚瞓到流口水又挨落佢度，畀人影咗就真係水洗都唔清。」華倩又笑言︰「佢以前好高好大隻㗎，依家好似縮咗水咁。」

江若琳泳裝似男人

至於Elanne和蕭潤邦則剛由馬爾代夫返港，蕭潤邦自爆潛水瘀事，他說︰「原本我同Elanne講我潛水時你都未出世，點知兩米都潛唔到，仲要暈車同暈船浪。」問他看到Elanne的泳衣Look是否更頭暈？他笑言︰「着咗上身就唔會喇，女裝變男裝！」

撰文︰倪小珊

編輯︰黃卉彤

美術︰梁政敏