Big 4變Big 2歌酬仲多 梁漢文︰幾爽喎

梁漢文（Edmond）、蘇永康前晚在澳門威尼斯人舉行《SO MAN SHOW演唱會》，兩人不時與觀眾互動，握手兼selfie任影唔嬲。今次開騷沒有許志安與張衞健，Edmond笑說︰「今晚幾爽喎，無咗嗰兩隻嘢，平時有Big 4係好熱鬧，不過歌酬要除四，但係今次除二喎！好開心！」蘇永康亦贊成以後二人要多多合作，至於Big 4及男人幫兩個組合何時再復合？他表示一切隨緣！另外，蘇永康的妻兒也有捧場，可惜囝囝無面畀，聽到一半已經瞓着。