與林峯分手仍是朋友？ 吳千語︰嗯……係！

吳千語昨晚與李佳芯及佘詩曼等出席MAX&Co. 2018春夏系列時裝展，對於林峯日前終於承認兩人已分手，千語透露跟他有共識，由他宣布「分」訊，亦直認雙方已分開一段時間，現時心情OK。問到兩人分手是否有第三者？千語表示︰「係兩個人之間嘅事，人要向前看，依家專注工作，唔想諗感情事，同埋唔想講太多，驚講多錯多。」對於有傳林峯家人反對兩人拍拖致分手？千語再次強調是他們兩個人之間的事。至於是否認識林峯新歡張馨月？千語稱︰「唔識，無見過，但有睇報道。（同林峯仲係朋友？）嗯……係！」

而日前林峯宣布兩人「分」訊當晚，千語前往欣賞周杰倫演唱會，有指她在點唱環節唱了首失戀歌憑歌寄意，千語即解釋︰「首歌唔係我揀，係後面個女仔大聲嗌出嚟。」至於有傳她結交富三代新歡，千語強調現時仍是單身，又笑言︰「我一向都無男仔追，所以依家係好好工作嘅狀態。」

攝影：林良明