基仔難捨子華告別棟篤界

男神黃子華日前宣布「收咪」，七月將會舉行最後一次棟篤笑，粉絲震驚之餘，就連最近合作新歌的古巨基也為之惋惜。但作為好友，基仔絕對尊重子華的決定，更揚言會入紅館撑到底！

古巨基、胡鴻鈞等歌手前晚為《流行經典50年》錄影，基仔與黃子華合作新歌《子華說》剛推出，而子華日前宣布七月的棟篤笑將成告別作，基仔坦言也有點不捨得。基仔表示︰「之前成班朋友食飯聚會傾過，大家都以為佢開玩笑，因為佢個人一向搞笑，直至佢接受訪問親口承認才知道係真。作為朋友，我尊重佢嘅決定，但作為一位鍾意睇佢嘅棟篤笑觀眾，的確好唔捨得最後一個演出。」他希望子華即使不再做棟篤笑，都會用其他方式繼續為港人講出心聲。

新歌《子華說》添傷感

至於基仔剛上架的新歌《子華說》，集結子華多年來的金句，基仔表示︰「佢公布完（告別演出）之後，我再聽首歌，原本幽默風趣嘅曲風，突然都變得好感人，呢首歌就當係集合子華精華嘅一首歌吧！」

撰文︰Pauline

編輯：陳禮恒

美術：梁政敏