恭喜舊老闆做爸爸 衞蘭︰黎明鍾意女多啲

衞蘭（Janice）昨日與陳柏宇到銅鑼灣舉行廣東歌音樂會，對於前老闆黎明驚爆快做老竇，Janice連聲恭喜他，更大爆他喜歡女兒多過兒子。

由黎明一手栽培、合作超過十年的衞蘭，雖然兩人已結束合作關係，但她仍然十分感激舊老闆的提拔。對於黎明宣布做爸爸，Janice坦言感到很surprise，她表示︰「戥佢開心。平時好少聽到佢啲新聞，但一聽到就咁大單，所以真係好驚訝。係開心事，我會message恭喜佢。」Janice表示跟黎明已很久不見，但之前她開演唱會，黎明都有錄音支持她，令她很感動。問她覺得黎明的BB是男或女？Janice稱︰「感覺上黎生會鍾意女多啲。」

旅行巧遇麥克華堡

剛由洛杉磯旅遊返港的Janice，自爆此行前往荷里活巨星麥克華堡（Mark Wahlberg）的餐廳，想不到會遇上對方，她興奮表示︰「我即刻搵佢集郵，佢個人都好nice。」

至於忙着籌備五月澳門演唱會的陳柏宇，透露正積極備戰，他說︰「好努力咁keep住身形，忙完演唱會就要專心錄新歌。」

撰文︰倪小珊

編輯︰黃寶恩

美術︰李明