合演阿修羅王 嘉玲被梁家輝摸全身

梁家輝及劉嘉玲昨日出席電影《阿修羅》發布會，二人表示在戲中與吳磊合演「三位一體」的角色，嘉玲自爆集中靠頭部做戲，是個新挑戰。家輝即抵死表示︰「無衫着，還要不停『露點』。」其實是指身上黐上特技追蹤的波點。

劉嘉玲與梁家輝再次合作，她表示阿修羅王這角色很特別，一切要靠幻想去演，又要按照家輝的動作去做，例如家輝抬頭，嘉玲和吳磊就要低頭做出相反動作。由於三人是分開拍攝，所以當家輝拍完一個鏡頭，他就負責移動嘉玲的身體。

司儀陳芷菁笑問家輝豈不是摸勻嘉玲全身？家輝即澄清說︰「移動同摸係兩回事，唔好諗太多。」家輝又笑謂︰「我係阿修羅王，戲入面有六個境界，我係其中一代嘅王，但係香港已經有四大天王，所以我要做天王之王。」

爆偉仔繼續hea

嘉玲早前偕老公梁朝偉到日本滑雪，她表示︰「滑雪十日，唔夠皮㗎，不過唔可以咁樣，要（工作）平衡番，我無梁生咁hea，佢仲放緊假，始終大家性格唔同。」嘉玲亦透露已開始為七月演出的舞台劇做準備。

撰文︰Pauline

攝影︰林良明

編輯︰陳禮恒

美術︰梁政敏