林峯終認 與千語5年情玩完

曾經公開講七次「好愛」吳千語的林峯，昨天終於承認已分手，結束五年情。早前被踢爆與擁有34D上圍的內地內衣模特兒張馨月同遊海洋公園，另一邊廂亦傳吳千語搭上富二代。雖然二人甜蜜不再，但林峯依然保護千語，對感情事保持緘默，避免對雙方造成傷害。

林峯昨天出席《香港影視娛樂博覽》的英皇電影發布會，明顯消瘦不少的他，被問到是否為情消瘦？他表示︰「無咁脆弱，咁耐無見簡短講，以後唔好再問。我同千語分開咗一段時間，（幾耐之前嘅事？）總之……其餘嘅事畀啲空間我。（依家同張馨月拍拖？）所有感情事唔再講，希望專注工作。」

跟千語再見亦是朋友？林峯想了一會才回答：「OK嘅，好和平。（有共識由你代表去講？）講完喇，放過我。」之前一直不講，是否想保護千語？林峯聞言後未有多言，反而扯開話題︰「之後工作好充實。之前有幾年工作比較放鬆，但跟住會好密。沉澱後希望工作有新突破。」記者其後再追問與千語分手原因、何時分手，他亦一律避談。

至於早前他與父母及張馨月同遊海洋公園，有指林峯父母和親戚亦在場，令人聯想到是否相睇？林峯雖然有點不耐煩，但仍禮貌地回應︰「真係唔講喇，你知我私人嘢都唔鍾意講，（咁依家係咪單身？）感情嘢我真係唔講，私人嘢都真係唔講。（個女仔被起底喎！）唔講喇，講多錯多，多謝你哋，（唔戥佢慘咩？）多謝大家關心我嘅工作，今年對我嚟講真係好重要，係一個工作上嘅關鍵。」隨後一口氣講出今年要拍的電影及劇集。問到是否刻意安排咁多工作，讓自己忘記失戀傷痛？他連聲否認，並解釋是經理人一向的作風，又說現階段工作為主，感情事隨緣。

千語透過FB交代

吳千語昨日亦在Facebook留言交代︰「感謝各界朋友短訊關心和支持，請原諒我選擇以社交平台作一次性的回應。五年間全心全意投入的感情，要完全放下實在不容易，大家請給我空間適應，未來我會勇敢面對。希望今後大家會繼續給我支持，並多留意我的工作。」

採訪︰Pauline

編輯：黃寶恩

美術：招潤洪