Kay產後護腰骨 唔敢踩單車

謝安琪（Kay）及任賢齊（小齊）昨早到青衣出席慈善單車活動，去年因為生B而缺席的Kay，今年再度現身支持，但未有落場踩單車，只因產後仍要好好保護腰骨，她揚言明年會再戰賽場。

Kay今早獨自出席活動，她表示以往小朋友要12歲才可參加，而兒子張瞻才十歲，不符合參加資格，但當抵達現場後才知道年齡要求已降低至八歲，因此，或考慮明年與兒子一起出席。Kay又指好想落場踩單車，但因為去年生女後，至今仍要保護腰骨，所以不敢勉強，她笑言︰「今年留實力，下年重出江湖。」

小齊擔心女兒拍拖

同場的小齊在單車活動後，要趕另一場慈善活動「揹水一戰」起步儀式，一日內要出席兩個慈善活動，他表示理解香港人非常鍾意做戶外運動，同時又可以做慈善，一舉兩得。問到會否與小朋友一同參與？小齊希望明年可以帶同囝囝參加。身旁的Kay搞笑指，小齊的女兒大個女了，可能已拍拖不會跟爸爸去玩，嚇得小齊立即否認︰「仲未（拍拖），不過要開始留意喇，大女已經12歲，我都會擔心。」

Kay的囡囡張靖快將一歲，Kay笑指希望她可以見到契爺麥浚龍（Juno）︰「佢依家忙緊拍戲，但小朋友有個夢想就係想見佢。（會唔會搞Party？）咁又無，但會約幾個朋友食飯。噚日帶佢去參加蘇永康囝囝與車婉婉囝囝兩個小朋友嘅生日會，見到佢好social，我都另眼相看。」

撰文︰Pauline

編輯：黃寶恩

美術：梁政敏