愛女容貌被偷拍 城城嬲到爆

郭富城去年九月榮升人父，一直極力維護妻女的私隱，不讓愛女Chantelle的樣貌曝光，但早前有傳媒偷拍到城城一家三口外出，昨日城城出席活動時顯得相當不悅，他嚴斥︰「我心中好憤怒！」

郭富城昨日到西九文化區苗圃公園，出席「小畫家大夢想繪畫比賽」，他大讚家長和小朋友一齊參與活動，極具意義，又希望善款幫到山區的孕婦獲得全面的醫療服務。城城亦坦言將來可帶女兒出席慈善場合，讓她多認識這個世界。問他的親子活動是否和女兒唱歌跳舞？城城笑謂︰「佢有我基因。（教佢跳你嘅招牌舞蹈？）佢遲啲自然會識。」

城城講到囡囡就滔滔不絕，但對於女兒被傳媒偷拍，他即收起笑容嚴正斥責︰「我唔想BB同佢將來個樣被公開，娛樂圈同我哋係唇齒相依，小朋友係要保護，咁會影響佢成長，希望大家自律同高抬貴手。」

向黎明送祝福

城城又指現時都不敢帶女兒外出，更加不可能和女兒到公園玩，他說︰「我心入面有陰影，而且好憤怒，小朋友應該好健康咁喺公園玩，我係有家庭嘅人，我希望喺屋企嘅生活係安寧及得到保護。我一個人嘅時候，你影我無所謂，但唔好再喺我屋企附近騷擾或偷影。」

此外，盛傳黎明有「新歡」女助手阿Wing，女方更懷孕六個月。城城直言有看報道，他說︰「唔知道真定假，如果係真，當然會送上祝福。」

撰文︰倪小珊

編輯︰陳禮恒

美術︰梁政敏