分手兩年 小方主動握手 嚇親Stephy

方力申（小方）、鄧麗欣（Stephy）分手兩年，昨日二人再次同場出席《第六屆揹水一戰》並擔任起步禮嘉賓。小方在台上主動伸出手向Stephy握手，令她頓時不知所措，Stephy解釋前晚從澳門太夜返港，出席大清早活動才會呆一呆，反應較慢。

大會安排小方和Stephy分開訪問，小方認為實屬正常，始終兩人隸屬不同公司，而他們在台上亦不抗拒合照。對於跟小方握手，Stephy的反應相當搞笑，她事後表示︰「頭先驚一驚，我本身已經唔夠瞓，一擰轉頭就被咁大隻嘅人嚇一嚇，同埋以為佢應該未咁快上台。」Stephy憑《空手道》奪得香港電影評論學會最佳女演員獎，Stephy表示小方已恭喜她，亦承認二人曾私下見面，只是並非公開場合。

對於被小方笑稱是「港女」，Stephy說毫不介意︰「佢證實咗我係港女，其實我喺電影上做咗好多次港女，就算《空手道》都係港女角色，我覺得可以為港女爭光都係開心。港女嘅感覺其實並不如大家所想咁負面，依家港女係好獨立、好叻女。」

支持再拍《美女廚房》

提到無綫有意開拍新一輯《美女廚房》，網民都希望小方、鄭中基和梁漢文繼續主持，小方坦言有興趣，因為當年節目收視及口碑都不俗，他續說︰「做咗《美女廚房》後，我個人無咁拘謹，不過無綫無搵我，都已經係十幾年前嘅事，唔同年代，可能佢哋有更適合嘅人選。」

撰文︰Pauline

編輯︰陳禮恒

美術︰熊偉然