同師兄即係點？ 祖兒︰互相支持嘅狀態

樂壇天后容祖兒近日被傳跟男友劉浩龍（師兄）結束五年情，有指祖兒想專心照顧母親而決定分手。昨晚祖兒身穿白色吊帶裙到中環蘭桂坊出席活動，笑容滿面的她心情不俗，問她是否已完全放低（分手）？她全程沒有正面回應，只說︰「如果你哋想問嗰樣嘢（分手），我唔回應。（是否已分開？）我唔回應好啲，唔想講咁多，有關私人感情生活，我好少拎出嚟講，留番我自己處理。」問她現在的Status（狀況）？她笑說︰「我嘅Status係努力工作中。」

若不談感情狀況，會被認定仍是師兄女友，祖兒說︰「呢刻唔講咁多。（二人關係未有定案？）我嚟緊要做兩隻碟，師兄又有演唱會，總之我哋互相努力、互相關心，支持大家最重要。」

澄清從未被利用

問到老闆楊受成曾暗示「愛錫祖兒的人唔好有目的」，祖兒聞言即說︰「從來無人對我有目的，大家都好錫我。」準備好迎接新戀情？她表示最近發生太多事，一時處理不到，目前努力工作。提到有網民認為「分訊」可能是師兄宣傳個唱的手法，祖兒面色一沉說︰「你哋覺得可以咩？唔係我哋拎出嚟講，總之我哋係互相支持嘅狀態。」

採訪︰Pauline

攝影︰林良明