熊黛林挺8個月巨肚拍孕照

已懷孕八個月的熊黛林（Lynn），日前與老公郭可頌拍了一輯靚相留念。穿起吊帶裙的Lynn雖然腹大便便，上圍亦升級了不少，但手腳仍然纖瘦。至於準爸爸郭可頌手臂肌肉盡現，做型爸單手抱B都絕無問題。Lynn對老公讚不絕口︰「一直老公都好照顧我，有咗BB後老公更事事以我為先，我覺得好開心，睇得出自己真係無嫁錯人。」

準媽咪的Lynn坦言現在期待BB出世之餘，同時又有點不捨得。「每次BB喺我肚入面郁，我都好興奮。」Lynn更不停翻閱育嬰書籍，平日亦會向有經驗的朋友取經。「我哋都想順其自然，唔想畀太大壓力家人同BB。」