農夫笑指對住Do姐似「煉獄」

鄭裕玲（Do姐）與農夫昨日出席新一輯節目《Do姐有問題》記招，雖然節目今晚才首播，但已決定添食五集，合共25集。農夫搞笑指對足Do姐咁多集，猶如身處「煉獄」︰「其實係『練慾』，練習控制情慾，因為要對住一個咁靚嘅人（Do姐）。」

Do姐與農夫向來是最佳拍檔，昨日在記招上亦不時互窒搞笑。提到Do姐主演的經典劇集《流氓大亨》現於深夜重播，陸永賣口乖說︰「原來Do姐做得真係好好，我乜都睇唔到，淨係見到Do姐。」Do姐聞言即說︰「乜原來？死啦你，你估我淨係主持咩？」她自言因重播時間太夜，所以沒有收看︰「我唔記得劇情，只記得最尾嗰場萬梓良喊足分幾鐘。」另外，有傳無綫「勸喻」農夫拒拍蕭定一網劇，農夫否認受無綫干預，又表示現時以拍攝無綫節目為主。

昨日一眾花旦如陳煒、岑麗香及朱千雪等亦現身記招力撑，有傳香香造人成功，她昨日否認懷孕，又表示雖然心急想有喜，但還是順其自然。

撰文︰李潔盈

編輯︰黃寶恩

美術︰招潤洪