$55買8件「肥膏」 食客呻中伏

外賣食物有時會換來一肚氣！有網民在fb專頁「中伏飲食報料區」發圖文，指光顧一間小店買淨羊腩，用了55元結果買來8件羊腩肥膏，為此非常氣憤。事主在帖文留言：「有兩舊算係淨肉（極細），再搭一舊係全骨，有少少肉連住，再加1舊薯仔，今次真係中十萬伏」。

部分人認為這份淨羊腩極不健康，形容「食完會爆血管」、「連醫生都醫唔到你」。亦有人笑說，事主今次買的是「羊脂今露」，但見到賣相已「唔開胃」。另有街坊指，曾幫襯過該店，已將它列入黑名單。