王馨平孖琦琦做瑜伽

王馨平昨日與任達華到香港高爾夫球會出席慈善活動，身為瑜伽導師的王馨平自爆與任達華太太琦琦一齊上瑜伽堂，但老公就嫌自己筋骨太硬而抗拒做瑜伽。

苦練四年才成功考獲瑜伽導師牌的王馨平，自言只是想將自己學到的東西跟大家分享，而琦琦亦是她的同學，身旁的任達華則笑言︰「你都做咗導師，琦琦仲係學緊，我都要好似你咁，不斷增值自己，或者等個女大個再讀書。」不過他自爆自己30、40年前已經學瑜伽，閒時亦會在家做，問他會否和琦琦做情侶瑜伽？任達華直言︰「我OK㗎，我啲柔軟度好好。」

至於王馨平可有與老公玩雙人瑜伽？她笑笑口表示︰「佢唔聽我講，有少少抗拒，因為佢覺得自己筋骨好硬，所以唔想去做。」任達華插嘴說︰「你應該同老公講，話鐵漢都有柔情嘅一面，佢就會肯學喇！」王馨平即謂︰「你幫我同佢講吖！」

撰文︰倪小珊

編輯︰林梓添

美術︰李明