翠如唔驚感情冷卻

黃翠如早前趁着難得的悠長假期，與女性友人一齊旅遊，之後又去杜拜享受家庭樂，還在不少名勝留影，不過兩次行程都似乎撇甩了男友蕭正楠（Edwin）。

翠如昨日到中環九號碼頭出席保育探險船訪港歡迎儀式，談到翠如經常賣甩男友蕭正楠，就連他病了都無人照顧，卒之忍不住依靠曹永廉，他還公開投訴女友不夠貼心。問翠如返港後可有𠱁番男友？她理直氣壯謂︰「無㗎，佢好番好多啦，好番帶佢去玩啦。」

提到好友梁嘉琪和商台監製男友金志堅分手，翠如表示嘉琪已去了旅行散心，並指對方是個堅強的女仔，故不用擔心。那她會否為嘉琪介紹男仔？翠如說︰「佢好多人愛，之前係太忙，依家好用心咁玩緊。（你咁忙又驚唔驚甩拖？）要走都避免唔到，不過佢驚多過我驚啦，我成日都唔喺香港。」

撰文︰Pauline

攝影︰林良明

編輯︰黃卉彤

美術︰李明