薛凱琪鴨店拍戲勁尷尬

新片《閨蜜2之單挑越南黑幫》前晚舉行首映，大會安排三位大隻男在女主角薛凱琪（Fiona）面前騷肌，令Fiona尷尬不已。

Fiona表示為拍這部片做了不少瘋狂的事，連她亦意想不到，她笑說︰「唔好以為電影中係真實嘅我，係我演得好啫！」她更提到戲中要光顧越南「鴨店」，Fiona忍不住笑謂︰「人生太多第一次畀咗導演（黃真真），嗰時同十幾個猛男一齊拍，都有少少怕醜。」導演表示原本安排白酒給三位女主角埋位前壯膽，但是張鈞甯竟拿出高粱酒，三人飲完五分鐘內已經表現得好High。

連詩雅錯過好友婚前派對

另外，連詩雅（Shiga）與黎紀君結伴出席首映禮，Shiga稱和「閨蜜」黎紀君很多方面都相似，但擇偶條件就大不同，Shiga喜歡較沉實和嚴肅的男仔，而對方就喜歡陽光男孩。Shiga又透露不少朋友已結婚，早前她的一位好姊妹在美國拉斯維加斯舉行婚前派對，奈何Shiga因工作未能出席。「聽講仲請咗脫衣舞男，如果將來我結婚，唔使請脫衣男畀我，請我食飯就得。」

撰文︰Pauline

編輯︰林梓添

美術︰李明