新劇反串扮差利 陳松伶：仲要追女仔

陳松伶（松松）繼去年演出《全職沒女》後戲癮大發，最近又再夥拍黃智賢主演新劇《危城First Lady》。松松昨日反串扮成差利卓別靈上陣，黐上二撇雞的她直認感到渾身不自在，就連講話也顯得很論盡，生怕嘴部郁動得多會甩鬚。

松松透露新劇圍繞20、30年代，她的角色更有多個造型，除了反串外，還有很多着靚衫機會。「呢身造型參照『差利卓別靈』，我係女版福爾摩斯，會經常破案，我從來無做過呢啲角色，今次要記好多對白。上次拍《全職沒女》同劇中演員好好玩，今次覺得嚴重困惑，唔知點先做得更加好，對我嚟講係一個大突破同挑戰。」

擔心講對白甩鬚

昨日黐上二撇雞的松松透露，劇中為破案要易服追求楊卓娜，沒料對方竟愛上她。她又指很不習慣黐假鬚，尤其講對白時又擔心嘴唇郁動會甩鬚，加上假鬚的質地較硬，她會趁開拍前在家中多些練習。

而黃智賢在劇中與松松是主僕關係，他在當年的兒童節目《閃電傳真機》已認識陳松伶，事隔多年再碰頭，他形容感覺得意。至於飾演黃智賢初戀情人的陳煒，在劇中因要養活兒子被迫做執屍工作，更要偷取別人遺物。她表示最近劇接劇，以致嚴重睡眠不足，早前趁新年假期，在家中瞓足幾日「叉電」。

撰文︰Pauline

編輯：林梓添

美術：招潤洪