三個女人一個露 黃智雯性感搶鏡

姚子羚、黃智雯、胡蓓蔚（豹嫂）昨天出席商場新春活動，智雯以一襲鮮紅色低胸貼身裙現身，原來這身打扮是豹嫂做「幫兇」，豹嫂更有意集合「胡說八道」成員的性感靚相出一本攝影集。

露出三吋事業綫的黃智雯，甫出現即引來大家譁然，她表示︰「係呢兩個好姊妹幫我揀嘅，最後決定權係豹嫂。」子羚戲言：「三個女人一個露」。豹嫂又謂智雯已經大個女，覺得她愈來愈靚，少少性感，大家睇得開心。智雯坦言沒有給男友過目，兩人認同智雯是禾稈冚珍珠。不過她們都說最重要是打扮充滿新年氣氛。

豹嫂又表示近日頂替了胡定欣的攝影師重任，為「胡說八道」幾位姊妹影了很多靚相。「子羚同李施嬅啲相好性感好靚，我私下問施嬅可唔可以Po出嚟分享，佢話so sexy唔好！其實我儲埋好多佢哋啲靚相，諗住遲下出本攝影集，我睇番都興奮又心跳。至於杏兒收身都七七八八，或者可以影埋baby Lee啦！」剛在新年時與龔嘉欣同遊沖繩的子羚則踢爆，擔任司機的嘉欣因不熟當地馬路規則，以致兩次被警察截停問話。

採訪︰Pauline

攝影︰林良明

編輯：林梓添

美術：梁政敏