陳凱琳自爆打網球無天份

陳凱琳（Grace）與丁子朗昨日到觀塘出席街馬活動，Grace未有參加賽事︰「我今次係嚟鼓勵大家，平時我習慣喺健身室跑步，因為經常通宵拍劇，所以無時間出去跑。」跟男友鄭嘉穎一齊跑步？她續說︰「佢（嘉穎）主要打網球，我有試過陪佢打，但我真係無乜天份，惟有同佢講對唔住，唔可以陪佢打。佢有教我打網球，但打波要靠臂力，我都無，都係跑步算啦！」

同場的丁子朗參加十公里賽事，賽前特地由城門河跑到大圍練習，「今次可以有唔同主題打扮，我本來諗過扮黑豹，不過最後都無扮。」