港產007造勢 子華喬裝睇觀眾反應

黃子華、佘詩曼及蕭定一昨日坐直升機到石崗直升機場，宣傳賀歲片《棟篤特工》。子華自言坐在直升機時，全程留意香港有不少綠色植物︰「估唔到石屎森林有咁多花草樹木，真係要好好珍惜。」

在新片扮「港產007」的子華，笑言拍戲時反而沒機會坐直升機。「頭先有人唔遵守指示開電話，但我係特工，所以好守規矩。」問他們對票房有沒有信心？子華說︰「新年大家都寬鬆啲，希望票房都啱啱好再多啲啲。」想不想開拍續集？子華說︰「要睇下大家反應喇。」阿佘表示情人節都要宣傳新戲，到時要孖住子華？子華即「落閘」說︰「情人節我要做節，會隱身，唔得閒陪你！」子華透露希望有機會偷偷入戲院看觀眾反應。「我以前試過喬裝入場，不過造型太突出，又黐鬚、又戴哨牙，反而更多人望，今次要再諗過用咩打扮入場。」

現身修哥個唱

另外，子華前晚神秘現身胡楓（修哥）紅館個唱，他不但大讚修哥精靈，甚少坐定定，更自爆修哥對自己有恩，鼓勵他在紅館開棟篤笑。

撰文︰李潔盈

編輯︰林梓添

美術︰梁政敏

攝影︰林良明