忙拍劇忽略家人 李佳芯整喊媽咪勁心酸

李佳芯（Ali）昨日偕黃智賢、張致恒等宣傳無綫新劇《波士早晨》，正趕拍另一新劇《BB來了》的Ali，因為工作太忙，已經兩個月沒見過媽媽，她透露媽咪太掛念自己而哭，令她感到十分心酸。

去年榮升新加坡視后的Ali，劇集一部接一部，《BB來了》更由聖誕拍到新年。「屋企人同朋友去過節嗰陣，我就要開工。（未能慶祝情人節？）情人節都係小事，（男朋友投訴？）我都未投訴呀，拍到我皮膚差咗好多。」三月又開新劇的她，坦言家人投訴無得見面︰「有時間都瞓咗覺先，有日媽咪WhatsApp我叫我攞湯，佢竟然感觸到喊，搞到我都心酸。」她笑言惟有封大利市給媽咪補數。

黃智賢不在乎收視

同場的黃智賢提到《波士早晨》拍完足足三年，才安排新年播出時說︰「套劇係講辦公室趣事，想大家開心過年，相信有支持者。我唔太在乎收視，演員亦無得決定幾時播。」提到女主角陳慧珊為ViuTV拍節目，因而無份宣傳，黃智賢說︰「明白有商業決定，佢（陳慧珊）好努力做好劇集，會喺其他平台幫手宣傳。」

撰文︰李潔盈

編輯︰林梓添

美術︰梁政敏