陳凱琳演技大躍進 否認靠男友

陳凱琳（Grace）的演技一直備受批評，但最近播出的《平安谷之詭谷傳說》，她在劇中飾演放洋回國的女仔，角色大有發揮機會，更獲網民激讚，Grace直認本來對演戲已灰心，幸得觀眾正評，令她重獲信心。

陳凱琳昨日連趕兩場，中午到商台宣傳劇集《平安谷之詭谷傳說》，然後再出席《2018國際中華小姐》活動。由於該劇收視及口碑也不俗，她開心表示︰「好感恩，有次出街，有個女仔同我講，唔止女人覺得好唔抵，連男人都覺得好嬲。」對於自己的演技，Grace覺得比以前演得舒服，男友鄭嘉穎有何評語？Grace卻直言男友沒有看，但她寧願男友不給予評價。提到她在劇中與黃浩然經常錫錫，Grace解釋︰「角色講我哋剛結婚，想帶出甜蜜感覺。」現實中同嘉穎是否成日kiss？她笑言會在適當時候做。

唔會揀劇本

Grace的演技有進步，有指全因男友嘉穎幫她揀劇本，Grace對此否認︰「我尊重公司，公司畀我就會拍，不過有啲場口，自己唔識分析，點樣鋪排層次，佢（嘉穎）會畀意見，叫我唔好為喊而喊，有時真係想畀個劇本佢幫我睇下，但佢會叫我自己睇咗先，如果有邊啲場口應付唔到先幫我。」

撰文︰Pauline

編輯︰陳禮恒

美術︰梁政敏