黎諾懿禁小春雞拍劇

黎諾懿昨日與兒子黎峰睿（小春雞）、岑麗香（香香）等現身又一城出席新年活動搵真銀。對於可考慮讓囝囝拍劇，諾懿強調現時流感厲害，加上錄影廠多菌，因此只會讓小春雞出席活動或拍廣告！

昨日「小春雞」在台上賣萌，冧爆全場。諾懿又向香香傳授生仔秘訣，戲言「生仔」就揀朝早（行房）。「因為兩個（夫婦）都最精神，生女就揀夜晚。」今次是諾懿首度攜愛兒亮相公開活動。「新年帶小春雞去賺錢𢭃利市，佢好叻仔，賺錢叻過我細個嗰時，等佢長大後養埋爸爸。」

問到可希望子承父業入行演戲，諾懿回應︰「拍嘢太辛苦，出席活動或拍廣告就OK。」諾懿指現時流感厲害，加上錄影廠多菌，若果小春雞拍攝後患病，屆時必定被老婆遷怒。

香香生B順其自然

問到同場的岑麗香想生仔定生女，她戲言仔女也沒所謂，全因今時今日男女也一樣。對於生B可有壓力，香香回應說︰「我唔想講太多，講太多以為我有咗，唔講又以為我唔想生，最緊要無咁大壓力，生BB最好係無壓力，順其自然。」

撰文︰Steven

編輯︰林梓添

美術︰梁政敏

攝影︰林良明