恨與朱晨麗合作 陳山聰︰做母子都唔錯

《萬千星輝頒獎典禮2017》於上周日順利舉行，昨晚在將軍澳電視城中菜廳舉行慶功宴，筵開11席，汪明荃、出爐視后唐詩詠、陳山聰、朱晨麗、曹永廉、蕭正楠及薛家燕等有份出席，場面非常熱鬧。當晚節目最高收視33.6點，有220萬觀眾收看，成為自2014年以來最高收視的台慶頒獎禮節目。

今屆最佳男、女配角陳山聰和朱晨麗得悉當晚節目高收視時，立刻互相恭喜對方，他們都希望觀眾繼續支持其他節目。山聰和朱朱又表示，二人從未合作過，希望今年有機會合作，山聰又笑言︰「唔一定演情侶，可以演嫲孫情緣，做母子都唔錯！」

剛病癒的唐詩詠苦笑謂，自頒獎禮後，每日都在屋企瞓覺，到前幾日情況稍好轉，才去了看周慧敏演唱會。問到是否接連有慶祝飯局？她說︰「都有好多朋友約呀，（洪永城約咗你未？）未。（係咪想同你單獨約會？）一班人食飯都開心嘅。（係咪佢埋單都得？）係呀！」

採訪︰Pauline