基仔揭Vivian宮廷裝秘密

周慧敏（Vivian）連日來在紅館舉行演唱會，前晚第三場邀請這次演唱會總監古巨基擔任表演嘉賓，二人合唱《流言》及《萬千寵愛在一身》等經典歌，基仔更大爆Vivian為個唱激瘦到只得99磅。

古巨基甫出場即透露Vivian不但為個唱激瘦，前陣子到現在感冒未清，但她仍堅持為觀眾帶來最好水準。基仔在台上講不停，Vivian笑稱︰「唔緊要啦，睇怕你都唔會講得啲乜。」點知基仔愈爆愈多料︰「靚女（Vivian）講過佢以前件宮廷裝，幫Fans在相片上簽名時好尷尬，會畫花咗個心口。」

睇晒每吋肌膚

提到基仔今次為Vivian設計宮廷裝，他得戚表示︰「今次試衫，我估我係繼倪震之後，能夠睇到佢身體每一吋肌膚之中面積最大、睇得最多。」此時，Vivian已經一臉尷尬，基仔再抵死的說︰「你估唔到我講呢啲？一般女星會夾胸，但佢換完衫出來係撥開佢。」基仔還扮Vivian用手在胸前捽走事業綫，惹得台下觀眾狂笑。基仔見反應好續稱︰「Vivian話︰『好肉酸嘅。』我心諗一條事業綫有幾肉酸呀？如果你有三條事業綫，我就話驚啫。」

撰文︰倪小珊

編輯︰陳禮恒

美術︰招潤洪