吳日言補擺喜酒 江若琳到賀取經︰白頭到老

吳日言（Yan）前年十月在沖繩跟男友Barry註冊結婚，成為「林太」已經年多的Yan，前晚補擺婚禮大宴親朋，身穿火紅低胸晚裝的Yan全程拖住老公滿場飛，其豐滿身材表露無遺；而剛答應男友蕭潤邦求婚的江若琳，就專程前往取經，流露出待嫁的期盼。

04年出道的Yan，在圈中發展平平，雖然事業失意，但愛情得意。16歲跟Barry拍拖的她，雖然曾一度分手，但經歷17年愛情長跑後，終於前年共諧連理。兩人前年十月到沖繩註冊和行禮，邀請至親好友到場見證，而前晚才在中環的梅夫人婦女會補擺婚宴，筵開十席，圈中好友只邀請了江若琳、蕭潤邦和兩位DJ朋友，Yan全晚身穿一襲紅色低胸晚裝，配以簡潔粧容及小量金器，裝扮簡單而隆重。

租場等足大半年

對於選擇在充滿英式古典風味的大樓舉行婚宴，Yan接受訪問時表示︰「呢個咁有古典氣息嘅地方，切合我同老公嘅愛情故事，都係咁細水長流。不過我哋為咗喺嗰度擺酒，都等咗成七個月，因為原來要先入咗會才可以租場地，期間要面試，又要等回覆，所以搞咗大半年。」年屆34歲的Yan揚言跟老公已開始積極造人，不少粉絲祝賀兩人一擊即中，生個肥肥白白的狗Baby。

至於年底將會拉埋天窗的蕭潤邦和江若琳，前晚在婚宴上拉着一對新人影合照，不知道是否向Yan偷師？而江若琳事後亦在社交網留言︰「祝欣欣、林仔永遠幸福快樂！白頭到老！嗱嗱聲生個BB，等你哋個百日宴。」

撰文︰Pat、Iris

編輯︰黃寶恩

協力︰Terri

美術︰梁政敏