李佳芯爭后唔敢贏前輩

一年一度的《萬千星輝頒獎禮》將於本月21日舉行，去年在新加坡奪得視后的李佳芯（Ali）直言得獎太爆冷，曾經攞過獎項已很滿足，揚言今次睇好田蕊妮再奪視后。

李佳芯、森美及Amanda S.等昨日出席護膚品牌活動。Ali挾新加坡視后爭逐TVB視后，她坦言不緊張︰「上次攞獎太爆冷喇，（有無信心今次再贏視后？）有嘅開心，無都無所謂。（如果贏兩個視后會唔會好大壓力？）都係同返以前一樣工作態度，不過信心的確大咗，每一年都有好多好強對手，大部分都係前輩。」森美聞言後即謂︰「妳言下之意即係話佢哋老啦！」

森美表示睇好Ali，皆因對方有很大進步，值得嘉許︰「不過Ali初頭第一、二套劇係有啲失望，哈哈！」Ali笑言因當時演技還幼嫩，所以三年前拍的《波士早晨》即將播出，她坦言有點擔心被誤會演技退步。森美還撑陳豪奪視帝，笑言唯一可惜他倆不能角逐最佳熒幕情侶。森美又自爆太太被他強逼都不肯看他和Ali的親熱戲，不過隨即又說太太不願看，其實是愛他的表現。

Amanda唔知男友欠債

另外，名模Amanda S.男友Sam的首飾公司被指欠債達千萬元，早前店外更被淋紅油，也有多人上門追債。Amanda表示最近爸爸癌症復發，男友不想她擔心，所以沒有對她講，她都是日前有記者問她才得悉。「最近經濟不太好，做生意經常會有呢啲問題，（欠千萬元喎！）我唔知大生意係點做，不過好多出名嘅人做生意都遇過呢啲情況。（男友問你借錢？）從來都無，佢一定唔會問我借錢。」

採訪︰Pauline

編輯：林梓添

美術：梁政敏