胡鴻鈞開聲求讓獎 坤哥︰不如讓啲Job畀我

吳業坤（坤哥）前晚出席青年音樂活動，提到他跟好友胡鴻鈞（Hubert）雙雙入圍「叱咤樂壇我最喜愛的男歌手」最後五強，胡鴻鈞更提議坤哥讓獎，坤哥笑言對方人紅勝算高，反過來要求Hubert把一些工作分給他。

胡鴻鈞指坤哥經常得獎，講笑說不如在叱咤讓個獎給他，坤哥即說︰「我邊有成日攞？攞咗兩年之嘛。胡鴻鈞依家咁紅，勝算好大，反而叫佢讓啲Job畀我就真，我哋係同一個經理人，我見佢今年好多工作，我就聖誕留喺屋企打機。」

爭叱咤最喜愛男歌手

至於Hubert昨日到商台宣傳新碟時，強調有用WhatsApp約坤哥去聖誕聚會，又搞笑說︰「坤哥有自己選擇，佢份人好奇特，生活Pattern好難捉摸，有時唔打機，有時又會為打機而放棄我哋，講起就嬲！」提到二人在叱咤成為競爭對手，他續稱︰「我哋肩負新一代歌手責任，大家見到大家嘅影子好開心，希望多啲人一齊行。」問他可覺得自己較坤哥更遲有收成？他認為只需跟自己比較，一向享受循序漸進。

撰文︰李潔盈

編輯︰陳禮恒

美術︰梁政敏

攝影︰林良明