缺席聖誕聚會 洪永城否認避詩詠

洪永城和唐詩詠今年五月分手後，二人至今仍是單身，去年聖誕節兩人孖住到陸永家中開派對，但今年就只得唐詩詠單獨赴會。對於被指「有你無我」缺席聚會，洪永城昨日現身活動時否認避開舊愛，揚言因工作關係而未能應約。

洪永城昨日與麥明詩及Rapper KT到將軍澳出席聖誕活動，對於今年缺席陸永家中的聖誕聚會，洪永城表示︰「陸永有請我去，但我要做嘢去唔到，其實都無咩所謂，大家都係好朋友，平時都有見面，所以唔會尷尬。」洪永城又指聖誕與親友聚會期間，不少親友都很落力介紹女生給他認識，當中不乏東南亞女仔。「仲有泰國同西班牙女仔，佢哋仲畀埋相我睇，不過佢哋都係講下，十劃都未有一撇。」問洪永城是否接受跟外國女生拍拖？他笑言︰「我以前喺新西蘭讀書，英文都講得兩句，可以扮下鬼仔。」

麥明詩與同學唔過電

另外，麥明詩則透露剛由英國旅行返港，她指此行主要與大學同學聚舊兼慶祝聖誕，但並無艷遇。「去咗六日左右，有去嘉年華掟公仔，都好開心。（同啲男同學無過電？）要過電一早過咗啦，過唔到即係無得過電囉。」而稍後她要為勁歌頒獎禮進行綵排，問她是表演還是做司儀？她無厘頭表示︰「好似係表演講嘢，詳情我都唔清楚。」

撰文︰倪小珊

編輯︰林梓添

美術︰梁政敏