陳敏之讚唐文龍 麒麟臂夠煞食

《溏心風暴3》眾演員昨日到黃大仙中心舉行聖誕大派對，總監製劉家豪及監製徐遇安在席上宣布劇集在內地的點擊率突破六億，夏雨笑言對數字不滿意，有信心攀得更高。唐文龍和陳敏之在劇中的連環情慾戲成為觀眾熱話，兩人更踢爆超激場面已被刪剪超過一半。

唐文龍、陳敏之在《溏心3》的激情戲，最近被網民Cap圖瘋傳，一身肌肉的文龍更被網民炮製「閃卡」收藏，敏之隨即落嘴頭︰「好多女仔都話想摸下佢嘅麒麟臂同埋胸肌。」文龍表示有一段時間無返TVB，不可以失禮，又誇讚敏之都有一對「49吋長腿」，敏之即稱︰「做乜加長咗畀我？」

老公「無眼睇」

敏之又踢爆文龍埋位前十分緊張自己的body，到開機前最後一刻仍push up谷肌，務求出來的綫條更靚。問他們演出激情戲會否令粉絲不高興？敏之續稱︰「唔會，鍾意我嘅人就唔會介意。」文龍認為粉絲明白事理，只要他們睇得肉緊，演員就更開心。

有指兩人的激情戲被刪掉七成，文龍直認︰「無七成都有五成。」敏之則強調出街版本只是濃縮了，跟早前公布的「限性感令」完全無關。敏之又爆老公無睇到纏綿戲，只是給她一個「無眼睇」的emoji公仔，但返家後亦沒有黑面。

司棋姐否認收山

此外，有指司棋姐受耳患困擾打算「收山」，司棋姐坦言最初看到報道的確無名火起︰「始終成個封面咁寫，真係會驚一驚，我最清楚自己的身體狀況，我會愛惜自己，要鬥長命！」她又表示早前抽血檢查，醫生形容她的報告靚到不得了。

採訪︰Pauline

編輯：陳禮恒

美術：梁政敏