九龍灣新發現 摩納哥人氣漢堡店

來自摩納哥的漢堡包店Grubers，剛於九龍灣開設亞洲首間分店。餐廳位於九龍灣MCL德福戲院內，除了可以坐在餐廳慢慢歎之外，更可以買入戲院，邊睇戲邊食Burger。

店子用了大量復古味道濃厚的木桌椅，配灰色石地板及鐵綫燈，裝修充滿工業味。漢堡包店主打牛肉漢堡扒，選用法國草飼牛肉製漢堡扒，每塊漢堡扒重110克，厚度適中，配芝士、番茄片及生菜，食落唔會勁飽滯。如果略嫌不夠滿足，可以點選雙層芝士漢堡，漢堡扒孖住上，滋味Double up！

店內所有漢堡扒於摩納哥製作，連同醬汁、麵包等一同空運到港，務求令食物味道及質素貼近總店。除了原味牛肉漢堡扒之外，最大賣點是預先將不同調味料混入漢堡扒中，炮製出多款不同口味的漢堡扒。

選用濃郁香料

香料味濃郁的「阿根廷香料漢堡」，於法國草飼牛肉製漢堡扒內加入辣椒、牛至草、胡椒、蒜、茴香粉等近10種香料調製，味道偏濃；伴以混入醋、胡椒蓉的阿根廷香料醬（Chimichurri Sauce），微酸的醋香增添清新感覺。混入青椒乾及墨西哥辣椒調料的「墨西哥辣椒漢堡」，屬入門級辣度，配上墨西哥辣椒醬，微辣帶醃小黃瓜香，頗易入口。

牛肉漢堡之外，還有一款雞肉漢堡，雞肉漢堡有鬆脆口感。不要以為漢堡包店只是食肉獸天堂，Grubers特設一款素漢堡，以鷹嘴豆落、羽扇豆、豌豆、薯仔、蘿蔔絲等加羅勒香料製成素漢堡扒，薯仔香味突出。點選套餐可配「Sexy Fries」性感薯條，薯條蘸上粟米粉炸，份外香脆。漢堡包店稍後計劃推出專屬香港的漢堡，密切期待。

Grubers

地址︰九龍灣偉業街33號德福花園平台P21號舖MCL德福戲院內

電話︰2111 0595

營業時間︰11am-10pm

平均消費︰$120

編輯︰余運慶

美術︰顏玉玲