《溏心3》陳敏之 唐文龍 情慾戲照出街

台慶劇《溏心風暴3》前晚首播，劇中演員包括李司棋、夏雨、陳敏之及唐文龍等搞飯聚齊撑場。在「限性感令」吹襲下，監製劉家豪向演員保證大部分鏡頭「有得留低」。

前晚飯局上，無綫高層杜之克、監製劉家豪與太太梅小青都有現身，劉家豪更宣布新劇不受禁令影響。「我哋係拍《溏心風暴》，唔係《溏心胸部》！第一集就會有好多奶，奶茶啲奶。」對於劇中的激情戲將保留播出，陳敏之表示︰「我哋嘅感情綫唔係賣弄色情，只係有啲激情戲吸引眼球啫！」敏之自爆拍攝前沒有向老公備案，但相信會得到老公支持，又笑言︰「套劇出街時老公一定唔會睇，所以唔怕畀佢投訴。」

至於李司棋與夏雨則預告今輯繼續有很多金句，夏雨笑謂︰「我真係火都嚟呀！其實係因為演員表現得夠鏗鏘。」有指今年台慶頒獎禮改期，是刻意讓《溏心3》有獎攞，夏雨認為言之尚早，要視乎外界對劇集的評論。

香香推劇為造人？

另外，問岑麗香劇中比堅尼戲份可有被刪剪？香香表示預告片仍有這一幕，應該沒有被刪。有指香香推掉新劇《BB來了》，改由李佳芯頂上，香香大方承認︰「已經先後拍咗40集《溏心風暴3》同30集《果欄中的江湖大嫂》，想唞一唞，身體好啲先可以令下一次演出更好。」問到可會趁今次放假專心造人？她笑說︰「哎呀！又講呢啲，順其自然，交畀神，無壓力嘅。」

撰文︰Pauline

編輯︰林梓添

美術︰梁政敏