陳慧琳偷囝囝玩具 轉贈小朋友

善心爆棚的陳慧琳（Kelly）昨天以嘉賓身份出席《十一良心消費運動》，還說希望兩個兒子將來都擁有一夥善心。

Kelly已經是第五年參與這項社企活動，她說希望可以幫助弱勢社群，讓他們重過開心生活︰「香港目前已經有超過170間社企，買嘅、食嘅、服務性行業等都有，我都有買過曲奇餅、朱古力。」

Kelly又會將兩個仔的玩具捐出去，「佢哋唔捨得啲玩具，每次我都要偷偷地將啲玩具放入袋拎走，不過我會同佢哋講，係捐畀無玩具嘅小朋友，佢哋聽完之後都會答應。」近年經常做義工的Kelly表示，將來一定會帶兩個小朋友去做義工，而且要真真正正幫到手。

大仔做功課慢

大仔劉昇今年升小學，Kelly慶幸他有自理能力，每日放學回家會主動做功課，只是每次測驗前，都要Kelly細心提醒，她笑言︰「大仔好乖，我可以專心照顧細佬，教細佬做功課。」對於大仔的學業成績，Kelly表示不會要求他每科都攞A，只要他明白課文，不要大意錯誤便可，她說︰「男仔有時難免粗心大意，不過佢最叻Science同Maths囉，功課做得慢，但個答案又啱喎。」

採訪︰Pauline

編輯︰黃卉彤

美術︰梁政敏