生日會再被偷拍 劉華見慣不怪

劉德華和甄子丹在電影《追龍》中首次聯手扮演傳奇人物「跛豪」和「雷洛」，前晚舉行首映禮，大會更預備蛋糕和壽包為今日56歲牛一的劉德華慶祝，圍着整個首映現場的華仔fans還齊唱生日歌，氣氛相當熱鬧。

華仔前晚提到早前出席歌迷搞的生日會再次被偷拍，他輕鬆笑謂︰「每年梗有一啲卧底嘅，不過始終係開心事。」他又稱今年都不會去旅行了，談到女兒好乖，自從他出院回家後主動為他抹腳，華仔露出幸福笑容，說︰「唔使講啦，大家睇到晒！」又有說太太朱麗倩在他留院期間悉心照料，華仔對於家人表現得避忌，似不欲多談。

甄子丹唔怕同吳京比較

《追龍》明天上映，問到甄子丹可有信心票房打贏吳京擔演的《戰狼II》？他說︰「唔使打贏任何人，畀觀眾多一個選擇係好事。」當晚第一代扮演跛豪的呂良偉也有出席，子丹表示是他親自邀請阿呂睇首映的，問到可有參考對方演繹的跛豪？子丹認為抄來抄去就無意思。問到《追龍》是否有很多戲份被剪掉？子丹坦言最初野心的確大，拍完始知太長，只好忍痛剪掉。他嘆稱︰「會可惜囉，好多場戲都係嘔心瀝血拍㗎！」華仔也說每個演員大約被剪掉20％戲，惟希望將來可以出DVD，讓觀眾睇到未剪的版本。

採訪︰Pauline

編輯：林梓添

設計：梁政敏