畏高林峯吊高嚟唱 粉絲勁High

林峯日前在廣州舉行《林峯Heart Attack世界巡迴演唱會》，幾乎每次個唱都「見紅」的他，今次亦未能倖免，綵排時不慎𠝹傷手，他笑說︰「我都慣晒，次次演唱會都有啲嘢，唔見紅唔安樂。」今次阿峯除了爆衫曬肌外，個唱更豪花七位數字、製作了一個360度太空吊臂，讓他在台上「飛住唱」︰「我都係第一次喺演唱會覺得自己似拍緊超人戲咁，可以吊到咁高、飛到咁遠，又可以倒轉同台下觀眾握手，都幾好玩。但我有畏高，被吊上去都有啲震，不過觀眾應該幾開心，因為聽到佢哋不停尖叫。」