黎諾懿享受囝囝樹熊抱

黎諾㦤今年四月榮升爸爸，轉眼間囝囝小春雞快將半歲大，開始懂得逗人開心，不過諾懿笑言囝囝很會嗲他，令老婆大呷乾醋。

黎諾懿昨日出席商場舉行的中秋節活動，今年是小春雞度過的第一個中秋佳節，諾㦤說他還小，未懂得玩燈籠，又擔心閃燈影響到眼睛發育，所以還是與小表哥一齊玩好了。

希望追豬女

小春雞現時五個多月大，提起囝囝，諾懿就冧爆︰「每日收工都想即刻返屋企，雞雞見到我就會『喔唷！』」咁叫，我一抱佢就好似樹熊咁成個撲埋嚟。佢可能少見我，成日見到媽咪，以為佢係工人姐姐。我見到佢好冧，要做過爸爸先知感受。」那他和老婆會否爭住教囝囝叫自己？諾懿笑言老婆24小時照顧小春雞，先懂得叫媽媽都好合理，又提到老婆最近在社交網站呻沒機會與囝囝單獨拍照，諾㦤就笑她在屋企不化粧而不願與囝囝拍照而已。有指小春雞似女仔，諾懿笑謂︰「希望豬年生個女湊個『好』字啦！」

採訪︰Pauline

攝影︰林良明

編輯：黃寶恩

設計：梁政敏